Speechless

.                 _*Speechless*_

_Father and daughter went to a temple. Suddenly, daughter  shouted after seeing the pillars of Lions at the entrance of the temple."Run Dad, or those Lions will eat us "Dad consoled her saying "they are just statues and wont harm us"_

_*Daughter replied " if those lion statues wont harm us then how could statues of God give us blessings"*_

_The father wrote in his diary..."I am still speechless on my child's answer and have started searching for God in Humans instead of statues. I didn't find God but I found humanity!! *so do our best to people who are around us......*_

கணவன் மனைவி உறவு

கணவன் மனைவி உறவு எப்படி இருக்க வேண்டும் ........ ( படித்ததில் பிடித்தது )
கணவன் பால் எனில் அதில் கலக்கப் படும் தண்ணீரைப் போல் இருந்திட வேண்டும் மனைவி.
பாலில் எவ்வளவு தான் தண்ணீர் கலந்தாலும்,தண்ணீரை தனியே பிரித்துக் காட்டும் குணம் பாலுக்கில்லை.
பாலை தனியே காட்டும் குணம் தண்ணீருக்கு இல்லை.
தண்ணீர் கலந்த பாலை அடுப்பில் வைக்கையில், தண்ணீர் நீராவியாகப் பிரிந்து செல்ல, அதை தாங்காத முடியாத பால் கோபத்தில் பொங்கி எழுந்து மேலே வரும்.
பொங்கி வரும் பாலில் சிறிது தண்ணீர் தெளிக்க தன்னை விட்டுச் சென்ற தண்ணீர் தன்னிடம் திரும்பியதும், பால் கோபம் தணிந்து பாத்திரத்தில் அடங்கும்.
ஒரு வேளை அப்படி தண்ணீர் தெளிக்கப்படவில்லை எனில் பால் பொங்கி ஊற்றி அடுப்பையே அணைத்துவிடும்.
கணவனும் மனைவியும் ஒருவருக்குள் ஒருவர் அடங்கி இருக்கும் வரையில் தான் குடும்பம் எனும் நெருப்பு அணையாமல் இருக்கும்.
# புரிந்து கொள்ளும் காலம் தான் வாழ்க்கையின் வசந்தகாலம்.....
# எத்தனை காலம் வாழ்ந்தோம் என்பதைவிட எப்படி வாழ்ந்தோம் என்பதே வரலாறு.....

Nice lesson

ஒரு பிச்சைக்காரன் விலை உயர்ந்த வைரத்தை வழியில் கண்டெடுத்தான் அதன் மதிப்பு என்னவென்று தெரியாமலே அதை தன்னுடன் இருந்த கழுதையின் காதில் மாட்டிவிட்டான்.
அதை கண்கானித்துக் கொண்டிருந்த ஒரு வைர வியாபாரி அவனிடம் சென்று ” இந்த கல்லை என்க்குக் கொடுத்தால் நான் உனக்கு பணம் தருகிறேன். எவ்வளவு வேண்டும் கேள் ” என்றான்.
உடனே பிச்சைக்காரன் “ அப்படியானால் ஒரு ரூபாய் தந்துவிட்டு இந்தக்ககல்லை வைத்துக்கொள் ” என்றான்.
அதற்க்கு வைரவியாபாரி இன்னும் குறைவாக வாங்கும் எண்ணத்துடன் ” ஒரு ரூபாய் அதிகம்! நான் உனக்கு 50 பைசா தருகிறேன் இல்லை என்றால் வேண்டாம் என்றான் “பிச்சைக்காரன்“.
அப்படியானல் பரவாயில்லை அது இந்த கழுதையின் காதிலே இருக்கட்டும்” என்றவாறே நடக்கலானான்.
வைர வியாபாரி எப்படியும் அவன் தன்னிடம் அதை 50 பைசாவிற்க்கு தந்துவிடுவான் என்ற எண்ணத்துடன் காத்திருந்தான்.
அதற்க்குள் அங்கு வந்த இன்னொரு வியாபாரி அந்த பிச்சைக்காரனிடம் 1000 ரூபாய் தந்து அந்த வைரத்தை வாங்கிக் கொண்டான்.
இதை சற்றும் எதிர்பாராத முதல் வைரவியாபாரி அதிர்ச்சியுடன் “ அட அடிமுட்டாளே! கோடி ரூபாய் மதிப்புள்ள வைரத்தை வெறும் ஆயிரத்துக்கு கொடுத்துவிட்டு இவ்வளவு சந்தோசமாக செல்கிறாயே! நன்றாக ஏமாந்துவிட்டாய் “ என்றான்.
அதைகேட்ட பிச்சைக்காரன் பலத்த சிரிப்புடன் “ யார் முட்டாள்..?, எனக்கு அதன் மதிப்புத் தெரியாது அதனால் அதை இந்த விலைக்கு விற்றுவிட்டேன்.
மேலும் எனக்கு இதுவே மிகப் பெரிய தொகை எனவே நான் மிகுந்த மகிழ்வுடன் இருக்கிறேன் , அதன் மதிப்புத்தெரிந்தும் வெறும் 50 பைசாவிற்க்காக அதை இழந்துவிட்டாய் இது எவ்வளவு பெரிய முட்டாள்தனம் “ என்றவாறே நடக்கலானான்.
ஓஷோ : இப்படித்தான் நம்மில் பலர் மிகச்சிறிய சந்தோசங்களுக்காக விலைமதிப்பற்ற வாழ்க்கையே இழந்து விடுகிறோம்.

படித்ததில் பிடித்தது

*1. 'தாழ்ப்பாளை சும்மா போட்டு லொட்டு லொட்டுனு ஆட்டக்கூடாது.* அப்படிச் செய்தா... வீட்டுல சண்டை வரும்.'

அதாவது, தாழ்ப்பாளை அடிக்கடி ஆட்டினால், கதவுடன் இணைக்கப்பட்டிருக்கும் தாழ்ப்பாள், லொட லொடக்க (ஸ்க்ரூ, சக்கை கழன்று) ஆரம்பித்துவிடும். திருடர்கள் வீட்டுக்குள் சுலபமாக வருவதற்கு நாமே வழி ஏற்படுத்தியது போலாகிவிடும்.

*2. 'வீட்டுக்குள்ள நகம் வெட்டினா... வீடு விளங்காது.*'

வெட்டித் துண்டாகும் நகம் எங்காவது தெறித்து விழும். சமயங்களில் உணவுப் பொருளில்கூட கலக்க வாய்ப்புண்டு. காலில்கூட அது ஏறி... வில்லங்கத்துக்கு வழிவகுத்துவிடும்.

*3. 'நகத்தைக் கடித்தால் தரித்திரம*்.'

நக இடுக்குளில் உள்ள அழுக்கு, வாய் வழியாக உடலுக்குள் சென்று, பல்வேறுவிதமான நோய்களுக்கு வழி ஏற்படுத்திவிடும்.

*4. 'உச்சி வேளையில கிணத்தை எட்டிப் பார்க்கக் கூடாது.'*

கிணற்றுக்குள் பல்வேறு விஷவாயுக்கள் உற்பத்தியாகும். உச்சிவெயில் நேரத்தில் நேரடியாக சூரிய வெளிச்சம் கிணற்றுக்குள் விழுவதால் அந்த வாயுக்கள் வெப்பத்தால் லேசாகி மேலே பரவும். எட்டிப் பார்ப்பவர்களை அது தாக்கினால் ஆபத்து.

*5. 'இருட்டிய பிறகு குப்பையை வெளியே கொட்டினால் லட்சுமி வெளியே போய்விடுவாள்.*'

வீட்டுக்குள் பகல் முழுக்க நடமாடும் நாம், ஏதாவது சின்னஞ்சிறு நகை போன்ற பொருட்களை தவறவிட்டிருந்தால், அது குப்பையில் சேர்ந்திருக்கும். இரவு நேரத்தில் அள்ளி தெருவில் கொட்டிவிட்டால், பிறகு தேடிக் கண்டுபிடிப்பது சிரமத்திலும் சிரமம்.

*6. வீட்டில் புறா வளர்க்கக் கூடாது. வளர்த்தால் குடும்பம் அழிந்துவிடும்.'*

புறாக்கழிவுகளின் வாசனை பாம்பை ஈர்க்க வல்லது. அதனால் அதைத் தேடி விஷப்பாம்புகள் வரும்.
*7.  'இரவு நேரங்களில் கீரை சாப்பிட்டால்... எமனுக்கு அழைப்பு வைப்பதுபோல!'*

கீரை எளிதில் ஜீரணமாகாது. அதிலும் இரவில் சாப்பிட்டுப் படுத்தால், தேவையற்ற உடல் தொந்தரவுக்கு வழி வகுத்துவிடும். எனவே, பகல் வேளைகளில் மட்டுமே அதைச் சாப்பிட வேண்டும்.

*8.  'புளிய மரத்துக்கு கீழே படுத்தால் பேய் அடிக்கும்.'*

புளிய மரம் இரவில் அதிக கார்பன் டை ஆக்ஸைடு வாயுவை வெளியிடும். அதனால் மூச்சுத்திணறல் கூட ஏற்படலாம். இதைத்தான் அமுக்குவான் பிசாசு என்றுகூட சொல்வார்கள்.
*9.  முருங்கை மரம் வாசலில் வைத்தால் வீட்டுக்கு ஆகாது.'*

மரங்களிலேயே மிகவும் மென்மையான மரம் என்பதால், குழந்தைகள் ஏறினால்கூட பட்டென்று கிளைகள் முறிந்து, விபத்துக்கு வழி வகுத்துவிடும். தவிர, அதில் வரும் கம்பளிப்பூச்சி உள்ளிட்டவை எளிதாக வீடு தேடி வந்து தாக்குதல் நடத்தும்

*10.  தலைவிரி கோலமாக பெண்கள் இருக்கக் கூடாது...'*

சமைக்கும்போதும்... பரிமாறும்போதும் உணவில் தலைமுடி விழுந்து, அருவருப்பு ஊட்டுவதைத் தவிர்க்க வேண்டும் என்பதற்காக!

*11. . 'வடக்கே தலை வைத்துப் படுக்கக் கூடாது.'*

பூமியின் காந்த சக்தியானது வடதுருவத்தை நோக்கி நிற்கிறது. வடதிசையில் தலை வைத்து படுக்கும்போது அதன் ஈர்ப்பு சக்தியானது நம் தலையையும் மூளையையும் தாக்குகிறது. அதனால் ஆரோக்கியம் குறையும் என்ற நம்பிக்கையின் வெளிப்பாடு.

*12. . 'வாழை இலை போடாமல் விசேஷம் நிரக்காது.'*  இந்த இலையில் 'பினாலிக்ஸ்' எனும் இயற்கை சத்து உள்ளது. இதில் தொடர்ந்து சாப்பிட்டு வருபவர்களுக்கு நோய் எதிர்ப்புச் சக்தி கிடைக்கும் என்பது ஆராய்ச்சி முடிவு. இதை அனுபவத்தில் கண்டுணர்ந்து காலகாலமாகக் கடைபிடிக்கிறார்கள்.

*படித்ததில் பிடித்தது*

பணம்

🌼பணம்
ஒருவரிடம் வந்துவிட்டால் அதற்கு பிறகு வாழ்க்கை எப்படி மாறும் தெரியுமா?

🌼பிச்சைகாரன்..

🌼சார்… எனக்கு திடீர் என்று வேலை போய்விட்டது. கடந்த ஒரு வருடமாக நான் வேறு வேலைக்கு முயற்சித்துக்கொண்டிருக்கிறேன். எதுவும் கிடைக்கவில்லை. உங்களைப் பார்த்தால் பெரிய மனிதர் போல இருக்கிறீர்கள். எனக்கு நீங்கள் ஒரு வேலை வாங்கிக்கொடுத்தால் பிச்சையெடுப்பதை விட்டுவிடுகிறேன்.”

🌼“உனக்கு நிச்சயம் உதவவேண்டும் என்று தோன்றுகிறது. ஆனால், வேலை வாங்கி தரும் எண்ணம் எனக்கில்லை. வேறு ஒன்றை மனதில் வைத்திருக்கிறேன்.”

🌼“வேறு ஒண்ணா…? ஏதுவா இருந்தாலும் சரி என் பிரச்னை தீர்ந்தா போதும்” என்றான் பிச்சைக்காரன்.

🌼“உன்னை என்னுடைய பிஸ்னஸ் பார்ட்னர் ஆக்கப்போகிறேன்.”

🌼“என்னது பிஸ்னஸ் பார்ட்னரா

🌼ஆமாம்… எனக்கு சொந்தமாக பலநூறு ஏக்கரில் விவசாய நிலம் இருக்கிறது. அதில் விளையும் தானியங்களை நீ சந்தையில் விற்கலாம். உனக்கு கடை வைக்க இடம், தானியம் உட்பட அனைத்தையும் தருகிறேன். நீ செய்யவேண்டியதெல்லாம் ஒன்று தான். தானியங்களை விற்று லாபத்தில் எனக்கு பங்கு தரவேண்டும். அவ்வளவு தான்!”

🌼“முதலீடே செய்யாமல் இப்படி ஒரு வாய்ப்பா? கடவுள் கண்ணை தொறந்துட்டாண்டா குமாரு” என்று பிச்சைக்காரன் மனம் குதூகலத்தில் மூழ்கியது.

🌼“சார்… அது வந்து… லாபத்தை நாம எப்படி பிரிச்சிக்கப்போறோம்…? உங்களுக்கு 90% எனக்கு 10% ஆ? இல்லை உங்களுக்கு 95% எனக்கு 5% ஆ? எப்படி??” ஆர்வத்தோடு கேட்டான்.

🌼“இல்லை… நீ 90% எடுத்துகிட்டு எனக்கு 10% கொடுத்தா போதும்”

🌼அதைக்கேட்ட பிச்சைகாரனுக்கு ஒரு கணம் பேச்சே வரவில்லை.

🌼“என்ன சார் சொல்றீங்க?” நம்பமுடியாமல் கேட்டான்.

🌼“ஆமாம்ப்பா உனக்கு 90% எனக்கு ஜஸ்ட் 10% போதும். எனக்கு பணம் தேவையில்லை. அது நீ நினைக்கிறதைவிட நிறைய என்கிட்டே இருக்கு. இந்த 10% கூட நான் கொடுக்கச் சொல்றது என் தேவைக்காக இல்லை. உனக்கு நன்றியுணர்ச்சி என்னைக்கும் இருக்கனுமேங்குறதுக்காகத் தான்.”

🌼“எனக்கு வாழ்க்கையையே பிச்சை போட்ட தெய்வமே… நான் உனக்கு என்னென்னைக்கும் நன்றிக் கடன்பட்டிருக்கேன்” அடுத்தநொடி பிச்சைக்காரன் அந்த செல்வந்தரின் கால்களில் விழுந்துவிட்டான்.

🌼இவர்கள் செய்துகொண்ட ஒப்பந்தப்படி அனைத்தும் நடைபெற துவங்கியது. பிச்சைக்காரனிடம் செல்வம் குவிய ஆரம்பித்தது. முதலில் பணம் ஆயிரங்களில் புரளத் துவங்கி அடுத்த சில வாரங்களில் அது லட்சங்களை எட்டியது.

🌼ஆனால் ஒரு கட்டத்தில் பிச்சைக்காரன் தனக்கு இந்த வாழ்க்கையை அளித்த அந்த வள்ளலை மறந்தே விட்டான்.

🌼புத்தம்புதிய ஆடைகளை உடுக்கத் துவங்கியவன், தான் கடைக்கு வந்து செல்வதற்கு ஒரு வாகனத்தை வாங்கிவிட்டான். கழுத்தில் மைனர் செயின் அணிந்துகொண்டான். இரவு பகலாக லாபமே குறிக்கோள் என்று உழைத்தான். தானியங்களின் தரம் இவன் கடையில் நன்றாக இருந்தபடியால் விற்பனை நாளுக்கு நாள் அதிகரித்தது.

🌼ஒரு சில மாதங்கள் சென்றது. அதுவரை தனது பிஸ்னஸ் பார்ட்னரான அந்த செல்வந்தனின் பங்காக தினசரி 10% ஒதுக்கி வந்தவன் ஒரு கட்டத்தில் தனக்கு தானே கேட்டுக்கொண்டான்…. “என்னோட பார்ட்னருக்கு நான் ஏன் 10% கொடுக்கணும்? அவர் கடைக்கே வர்றதில்லையே. உழைப்பு எல்லாம் என்னோடது. இரவு பகலா நான் தான் வேலை செய்யுறேன்… இனி எனக்கே 100% லாபம்” என்று முடிவு செய்தான்.

🌼அடுத்த சில நிமிடங்களில் செல்வந்தர் புதுப்பணக்காரனாகிவிட்ட  பழைய பிச்சைக்காரனிடம் தனது லாபத்தின் பங்கைப் பெற கடைக்கு வந்தார்… “உழைப்பு எல்லாம் என்னோடது. அப்படியிருக்க உங்களுக்கு எதுக்கு நான் 10% தரனும்? எனக்கு தான் எல்லா லாபமும் சொந்தம்!” என்று ரூல்ஸ் பேசினான்.

🌼அந்த செல்வந்தனின் இடத்தில் நீங்கள் இருந்தால் என்ன சொல்வீர்கள்?

🌼ஒரு செகண்ட் யோசியுங்களேன்….

🌼இது தான் நமது எல்லார் வாழ்க்கையிலும் நடக்கிறது.

🌼ஆண்டவன் தான் பிஸ்னஸ் பார்ட்னர். நாம் தான் அந்த புதுப்பணக்காரன் (?!).

🌼ஆண்டவன் நமக்கு பிச்சை போட்டது இந்த வாழ்க்கையை. ஒவ்வொரு நொடியை. நாம் விடும் ஒவ்வொரு மூச்சை.

🌼ஐம்புலன்களை நமக்கு கொடுத்து அவை ஒவ்வொன்றுக்கும் தனித்தனி ஆற்றல்கள் கொடுத்தான் இறைவன். அதுமட்டுமா? ஐம்புலன்கள் போதாது என்று கை, கால், இதயம், சிறுநீரகம், கல்லீரல் என விலை மதிக்கவே முடியாத நம் உடலுறுப்புக்கள் கொடுத்தான். இப்படி இறைவன் நமக்கு கொடுத்தவற்றை பட்டியலிட துவங்கினால்… அது முடிவே இல்லாமல் தான் போய்கொண்டிருக்கும்.

🌼இவ்வளவு தந்த அவனுக்கு ஜஸ்ட் ஒரு 10% நேரத்தை தான் நாம் பகிர்ந்துகொள்ளவேண்டும் என்று அவன் எதிர்பார்க்கிறான். அது கூட அவனது தேவைக்காக அல்ல. அவன் தேவைகள் அற்றவன். நமது நன்றியுணர்ச்சிக்காக அதை எதிர்பார்க்கிறான். அவன் மீது நாம் வைத்திருக்கும் அன்புக்காக.நன்றியுணர்ச்சி மட்டும் ஒருவரிடம் வந்துவிட்டால் அதற்கு பிறகு வாழ்க்கை எப்படி மாறும் தெரியுமா?

🌼இறைவனை வணங்குவதோ, பதிகங்களை படிப்பதோ, கோவிலுக்கு செல்வதோ, உழவாரப்பணி முதலானவற்றில் நம்மை ஈடுபடுத்திக்கொள்வதோ அல்லது சக மனிதர்களுக்கு உதவுவதோ – இவை யாவும் செய்வது நமக்காக தான். நாம் நன்றியுடன் இருக்கிறோம் என்று காட்டத்தான். மற்றபடி இறைவனுக்கு அது தேவை என்பதால் அல்ல.

Introvert and extrovert

அமெரிக்கா வந்தபின் தான் நெட் ஒர்க்கிங் (Networking) என ஒன்று இருப்பதை கண்டுபிடித்தேன்.

நாம தொழில்ரீதியா முன்னேறணும் என்றால் நம் நெட் ஒர்க்கில் நம் துறை சார்ந்த பெரும்புள்ளிகளுடன் பழக்கம் ஏற்படுத்திகொள்வதுதான் நெட் ஒர்க்கிங். அதுக்குன்னு பார்ட்டிகள், டின்னர், லின்க்ட் இன் (linkedin) என பல வழிமுறைகள் உண்டு.

சரின்னு அப்படி சில நெட் ஒர்க்கிங் நிகழ்வுகளுக்கு போனேன். போனபோது அதெல்லாம் நல்லா சிரிச்சு, பேசி, பழக தெரிந்தவர்களுக்கான ஆட்டம் என புரிந்தது.

எனக்கு இம்மாதிரி அபிசியல் விருந்து, டின்னர், பார்ட்டின்னா எப்படா வீட்டுக்கு வருவோம்னு இருக்கும். கடைசியில் என்னை சோஷியல் அவுட்காஸ்ட் (social outcast) என சொல்லும் அளவு இம்மாதிரி நிகழ்வுகளில் யாரும் கண்டுக்காத ஆளாகிவிட்டேன். ஒரே காரணம் எனக்கு அதிகமாக மக்களுடன் பேச, பழக தெரியாது.

அதன்பின் தான் சைக்கலாஜிக்கலாக இண்ட்ரோவெர்ட், எக்ஸ்ட்ரோவெர்ட் (Introvert, Extrovert) என இரு வகைகள் இருப்பதை அறிந்தேன். இண்ட்ரோவெர்ட்டுகளுக்கு பார்ட்டிகள், விருந்துகள் சுத்தமாக பிடிக்காது. அவர்கள் தனிமை விரும்பிகள். என் பொழுதுபோக்கு எல்லாமே படிப்பது, எழுதுவது, பாடிபில்டிங், சமையல் என தனியாக இருந்து செய்யும் விசயமே. என்னை போல சக இண்ட்ரோவெர்ட்டுகள் யாரெனில் ஒபாமா, ஐன்ஸ்டைன், ராமானுஜன், ஸ்பீல்பெர்க் ஆகியோரை கூறலாம்.

எக்ஸ்ட்ரோவெர்ட்டுகள் (பில் க்ளின்டன், டொனால்டு டிரம்ப்) ஆகியோர் மக்களிடையே மிக பிரபலமான ஆளுமை கொண்டவர்களாக இருப்பார்கள்.

இன்ட்ரோவெர்ட்டுகள் கணிதம், அறிவியல், விஞ்ஞானம், ஆராய்ச்சி ஆகிய தனியாக செய்யகூடிய துறைகளில் சிறந்து விளங்குவார்கள்.

எக்ஸ்ட்ரோவெர்ட்டுகள் மிகபெரிய தலைவர்களாக, காந்த சக்தி கொண்டவர்களாக, ஊடகங்களில், தலைமை பொறுப்புக்களில் பிரகாசிப்பார்கள்.

இதை ஆராய்ந்து தெரிந்து கொண்டபின் பார்ட்டிகளில் ஒதுங்கியிருப்பதும், நெட் ஒர்க்கிங் செய்ய தெரியாததும் என் குற்றம் அல்ல என புரிந்துவிட்டது.

இண்டோர்வெர்ட்டுகளை "உம்மனா மூஞ்சி, பேச தெரியாதவன்" என இன்சல்ட் செய்து அவர்களை பிறருடன் பேச, பழக வைக்க பெரியவர்கள் முயல்வார்கள். அதெல்லாம் தப்பு. என்னை சின்ன வயதில் அப்படி நிறைய பேருடன் பேச, பழக வைக்க என் அப்பா முயன்றுள்ளார். நான் முயற்சி செய்தும் அதெல்லாம் என்னால் செய்ய முடிந்ததில்லை.

இன்ட்ரோவெர்ட்டுகளின் இன்னொரு தன்மை என்னவெனில் அவர்கள் எப்போதும் தனக்கென ஒரு தனி உலகம் அமைத்து அதில் சஞ்சரிப்பார்கள். பல சமயம் நாம் அவர்களிடம் ஒன்று சொல்ல, அவர்கள் வேறு எதையோ நினைத்து கொண்டிருப்பார்கள். பலமுறை இதனால் மளிகை சாமான் லிஸ்டை மறந்தும், உப்பு வாங்க சொன்னால் பருப்பு வாங்கிவருவது போன்றவற்றை செய்து வீட்டில் இப்போதும் செமத்தியான டோஸ் வாங்கி கட்டிகொண்டுள்ளேன்.

என் கற்பனை உலகில் சஞ்சரித்துதான் நான் பி.எச்.டி முடித்தேன். பேலியோ முதல் பாடிபில்டிங் வரை மனதில் அந்தந்த சமயம் எனக்கென ஒரு தனி உலகம் அமைத்து அதிலேயே வாழ்ந்து வருவேன்.

இப்படி என்னை நன்றாக அனலைஸ் செய்தபின் தான் நான் இன்னொரு உண்மையை உணர்ந்தேன்.

நான் மட்டுமே இண்டோர்வெர்ட் அல்லவே? பார்ட்டிகளில் என்னை போல பிற இண்ட்ரோவெர்ட்டுகள் இருப்பார்களே என யோசித்தேன்.

அதன்பின் பார்ட்டிகளில் ஒதுக்குபுறமாக சோபாவில் அமர்ந்து திரு, திரு என முழித்து கொண்டிருக்கும், செல்போனை பார்க்கும் பிற இண்ட்ரோவெர்ட்டுகளை கண்டுபிடித்தேன்.

எக்ஸ்ட்ரோவெர்ட்டுகள் பார்ட்டிகளில் மையநாயகமாக இருப்பார்கள். அவர்களை சுற்றி பெரும்கூட்டம் இருக்கும். இண்ட்ரோவெர்ட்டுகள் கூச்ச சுபாவத்துடன் ஒதுங்கி இருப்பார்கள்.

அதன்பின் பார்ட்டிகளில் எக்ஸ்ட்ரோவெர்ட்டுகளை ஒதுக்கி இண்டோர்ர்வெர்ட்டுகளுடன் பழக ஆரம்பித்தேன். அது மிக எளிது. தனியாக அனாதையாக அமர்ந்திருப்பவர்களிடம் போய் சும்மா பக்கத்தில் உட்கார்ந்தாலே போதும். ஒரு சம்பிரதாய ஹலோவுக்கு பின் பல நிமிடம் கனத்த மவுனம் நீடிக்கும். அவர்களுக்கு "இவன் ஏன் இங்கே வந்து உட்கார்ந்தான்" என்பது போல அவஸ்தையாக இருக்கும்.

அதன்பின் மெதுவாக அவர்களை பேசவிடுவேன். ஒவ்வொரு இண்ட்ரோவெர்ட்டுக்கும் ஒரு தனி உலகம் இருக்குமே? அதை பற்றி பேசவிடுவேன். என்னிடம் யாராவது வந்து பேலியோ, பாடிபில்டிங் என பேசினால் எத்தனை உற்சாகத்துடன் பேசுவேன்? ஆக அவர்களின் அதுபோன்ற உலகை கண்டுபிடித்து பேச ஆரம்பித்தால் அவர்கள் பேசுவதை நிறுத்தவே மாட்டார்கள். நான் அதன்பின் அவர்கள் பேசுவதை கேட்டுகொன்டே இருப்பேன்.

பல சமயம் அவர்களுடன் வந்தவர்கள் "பேசவே தெரியாத இந்த மனுசன் இப்படி பேசிகொன்டிருக்கிறாரே" என அதிர்ச்சியடையும் அளவு அவர்கள் பேசுவார்கள். ஒரு சமயம் ஒருவர் அவரின் மனைவி அவரை கையை பிடித்து காரில் இழுத்து செல்லும் வரை பேசிகொன்டே இருந்தார்.

இப்படி செய்து, செய்து கடைசியில் எனக்கென ஒரு இன்ட்ரோவெர்ட்டுகளால் ஆன ஒரு சோஷியல் நெடொர்க் உருவாகியே விட்டது. நான் பார்ட்டிக்கு வருவேனா என தெரிந்து கொன்டு அதன் பின்னரே வரும் பலர் இருக்கிறார்கள். இவர்கள் நல்ல விவரம் தெரிந்தவர்கள், இவர்களுக்கு பெரிதாக நண்பர்களும் இல்லை என்பதால் எனக்கு இவர்கள் மிக நெருக்கமாக ஆகிவிட்டார்கள். எக்ஸ்டோர்வெர்ட்டுகளிடம் மொக்கை போடுவதை விட இவர்களிடம் பேசினால் மிக ஆழமாக, பல துறைகளை பற்றி தெரிந்து கொள்ளவும் முடிகிறது.

ஆக என் மிகப்பெரிய பலவீனத்தை என் மிகப்பெரிய பலமாக இப்படி மாற்றிக்கொண்டேன்.

உன்னை அறிந்தால்,
நீ உன்னை அறிந்தால்
உலகத்தில் போராடலாம்

உங்கள் மகனோ, மகளோ கூச்ச சுபாவத்துடன் இருந்தால் அவர்களை அதற்காக் திட்டாதீர்கள். அது மிகப்பெரும் வரம் என்பதை உணருங்கள்!

தனி திறமை

படித்ததில் பிடித்தது!

ஜப்பானில் பத்து வயதுப் பையன் ஒருவன் இருந்தான். ஜூடோ சாம்பியனாக வேண்டும் என்பது அவனுடைய கனவு. ஆனால் அவனுக்கு இடது கை கிடையாது. கையும் காலும் வலுவாய் இருப்பவர்களுக்கே ஜூடோ சாம்பியன் ஆவது சிம்ம சொப்பனம். கையில்லாத பையன் என்ன செய்வான் ? பல மாஸ்டர்களிடம் போனான். எல்லோரும் அவனை பரிதாபமாய்ப் பார்த்துவிட்டு திருப்பி அனுப்பிவிட்டார்கள். கடைசியில் ஒரு குரு அவனுக்கு ஜூடோ கற்றுத் தர ஒப்புக் கொண்டார்.

பயிற்சி ஆரம்பமானது. குரு ஒரே ஒரு தாக்குதலை மட்டும் அவனுக்குக் கற்றுக் கொடுத்தார். நாட்கள், வாரங்கள், மாதங்கள் ஓடின. குரு வேறு எதையும் கற்றுக் கொடுப்பதாகத் தெரியவில்லை. பையன் சோர்ந்து போனான்

“குருவே.. ஜூடோ சேம்பியன் ஆக இந்த ஒரு தாக்குதல் தெரிந்தால் மட்டும் போதாதே. வேறு எதுவும் சொல்லித் தருவீர்களா?” என்றான்.

“இந்த ஒரே ஒரு தாக்குதலில் நீ வல்லவன் ஆனால் போதும்” என்றார் குரு. குரு சொல்லிவிட்டால் மறு பேச்சு ஏது ? பையனும் பயிற்சியைத் தொடர்ந்தான். சாம்பியன்களுக்கான போட்டி ஆரம்பமானது !

முதல் போட்டி. சர்வமும் கற்றுத் தேர்ந்த எதிராளி. ஒரே ஒரு தாக்குதல் மட்டும் தெரிந்த இந்தப் பையன். போட்டி ஆரம்பமானது. எல்லோரும் ஆச்சரியப் படும் விதமாக பையன் வெற்றி பெற்றான். இரண்டாவது போட்டி. அதிலும் அவனுக்கே வெற்றி. அப்படியே முன்னேறி அரை இறுதிப் போட்டி வரை வந்தான். அதிலும் கொஞ்சம் போராடி ஜெயித்து விட்டான்.

கடைசிப் போட்டி. எதிரே இருப்பவன் பலமுறை சேம்பியன் பட்டம் பெற்றவன். ஒரு கை இல்லாத எதிராளியைப் பார்த்து அவனுக்கு கொஞ்சம் பரிதாபமும், இளக்காரமும். பையன் சளைக்கவில்லை. போட்டி ஆரம்பமானது. முதல் சுற்றில் பையனை அடித்து வீழ்த்தினான்.

பையனின் நிலையைக் கண்டு பார்வையாளர்களுக்கு அதிர்ச்சி. போட்டியை நிறுத்திவிடலாமா என்கின்றனர் போட்டி நடத்துபவர்கள். “வேண்டாம்., பையன் சண்டையிடட்டும்” என்கிறார் குரு. இந்தப் பையனோடு போரிட இனிமேல் பாதுகாப்புக் கவசம் தேவையில்லை என எதிராளி அலட்சியமாய் வந்திறங்கினான்.

பையன் தனக்குத் தெரிந்த அந்த ஒரே தாக்குதலை பலமாய் நிகழ்த்தினான். எதிராளி வீழ்ந்தான். பையன் சாம்பியனானான். பார்வையாளர்கள் நம்ப முடியாமல் பார்த்தார்கள், போட்டியாளர்களுக்கு ஆச்சரியம். அந்தப் பையனுக்கே தனது வெற்றியை நம்ப முடியவில்லை. அன்று மாலை குருவின் பாதங்களில் பணிந்த அவன் கேட்டான்

“குருவே. நான் எப்படி இந்த போட்டியில் வெற்றி பெற்றேன் ? ஒரே ஒரு தாக்குதலை மட்டும் வைத்துக் கொண்டு வெற்றி பெற்றிருக்கிறேனே “ என்றான்

புன்னகைத்தபடியே குரு சொன்னார் “உனது வெற்றிக்கு இரண்டு காரணங்கள். ஒன்று ஜூடோவிலுள்ள மிகக் கடுமையான ஒரு தாக்குதலை நீ கற்றுத் தேர்ந்திருக்கிறாய்.

இரண்டாவது இந்தத் தாக்குதலைத் தடுக்க வேண்டுமானால் எதிராளிக்கு ஒரே ஒரு வழி தான் உண்டு. உனது இடது கையைப் பிடிக்க வேண்டும். உனக்குத் தான் இடது கை கிடையாதே ! உன்னுடைய அந்த பலவீனம் தான் பலமானதாய் மாறி உன்னை சாம்பியன் ஆக்கியிருக்கிறது !”

குரு சொல்லச் சொல்ல பையன் வியந்தான். தனது பலவீனமே பலமாய் மாறிய அதிசயத்தை நினைத்து நினைத்து ஆனந்தித்தான்.

நமது மனம் திறமைகளின் கடல். அதில் முத்தெடுப்பதும் நத்தையெடுப்பதும் மூச்சடக்கி நாம் மூழ்குவதைப் பொறுத்தது. ஒவ்வொரு மனிதனுக்கும் வாழ்க்கை தனித் தனித் திறமைகளைக் கொடுத்திருக்கிறது...